“Рио Тинто” 9 тэрбум долларын ногдол ашиг тараана

0
0
263

“Оюутолгой” төслийн гол хөрөнгө оруулагч “Рио Тинто” компани өнгөрсөн 2020 онд 12.4 тэрбум ам.долларын ашигтай ажиллаж, хувьцаа эзэмшигч нартаа 9 тэрбум ам.долларыг ногдол ашиг болгон тараахаа мэдэгдэв. Энэ нь тус компанийн 148 жилийн түүхэн дэх хамгийн өндөр үзүүлэлт болжээ.

Монгол Улсын Засгийн газар “Рио Тинто”-д “Дубайн гэрээ” буюу далд уурхайн санхүүжилтийн төлөвлөгөөг хоёр талын тохиролцоогоор цуцалж, нөхцөлийг нь сайжруулан, дахин гэрээ байгуулах санал тавьсан. Учир нь дээрх төлөвлөгөөгөөр Монгол Улс 2051 он хүртэл ямар нэгэн ногдол ашиг хүртэхгүй, 22 тэрбум ам.долларын өртэй үлдэнэ гэж тооцоолсон билээ.

“Рио Тинто” компанийн Гүйцэтгэх захирал Жэкоб Стаусхолм “Оюутолгой” төслийн асуудлаарх Монгол Улсын Засгийн газрын тавьсан саналыг хүлээн авч, далд уурхайн бүтээн байгуулалт, санхүүжилтийн асуудлаар шинэ гэрээ байгуулахад бэлэн байна хэмээн мэдэгдсэн. Гэрээний нөхцөлийг сайжруулахтай холбоотой УИХ-ын 92 дугаар тогтоолын дагуу Засгийн газрын ажлын хэсэг “Рио Тинто”-той яриа хэлэлцээгээ үргэлжлүүлж байна.

Бусад Төсөөтэй нийтлэл
Цааш нь AltNAA
Өшөө Uncategorized

Leave a Reply

Your email address will not be published. Required fields are marked *

Танд санал болгох

Вьетнам яст мэлхий 3847км сэлж эх орондоо очжээ

Алс газарт зарагдсан ч шинэ нутагтаа идээшилгүй оргон нутаг гүйж, хол зам туулан төрсөн ну…